Елордалық «Астана» футбол клубы Еуропа Лигасы аясында өткізілген кездесуде тель-авивтік «Маккабиге» қонаққа барып 3 ұпай еншілеп келді.
Ойын өте тартысты өтті. Екі команда да гол соғатын мүмкіндіктер болды. Ойынның 58-минутында Абзал Бейсебековтың қапталдан берген пасын сәтті пайдаланған Патрик Твумаси есепті ашты. Африкалықтың соққан жалғыз голы матчтың нүктесін қойып, «Астана» командасы қонақта (0:1) есебімен жеңіске жетті. 3 ұпайды еншілеген «Астаналықтар», А тобында 7 ұпаймен 2 орынға жайғасты.
Еске сала кетсек, елордалық клубтың Еуропа Лигасындағы келесі ойыны 23 қарашада өтеді. Астана-аренада азулы қарсылас «Вильярреалды» қабылдайды.
Суреттер ФК Астана сайтынан алынды.