DodaSport | Әлем және Қазақ спорты СпортХалықаралық әуесқой бокс қауымдастығының президенті Чинг-Куо Ву әуесқой бокс Олимпиада ойындарының бағдарламасынан алынбайтынын айтты.
Бұған дейін БАҚ өкілдері бокс Олимпиада бағдарламасынан алынып тасталады деп жарыса жазған. The Telegraph басылымының мәлімдеуінше, Халықаралық әуесқой бокс қауымдастығы допинг тексерісті өткізуді қойған. 2014 жылы бір мәрте боксшылардың сынамасы алынса, 2015 жылы мүлдем тексеріс жасалмаған. Мұндай өрескел ереже бұзушылықтың салдарынан бокс Олимпиада бағдарламасынан алынып тасталуы мүмкін. Алайда АИБА президенті бұл тек алып қашпа сөз деп сендірді.
«Бокс — Олимпиада ойындарының маңызды бөлігі. Ешкім боксты Олимпиада бағдарламысынан алып тастайық деуге құқылы емес. Бокс Олимпиада ойындарының бағдарламасынынан алынбайды, бұл жәй ғана қауесет.
2024 жылғы Олимпиада ойындарында бокс бағдарламада болады. AIBA президенті ретінде бұл алып қашпа сөзге сенбеулеріңізді сұраймын», — деп келтіреді Чинг-Куо Вудың сөзін «РИА Новости».
Айта кетейік, Чинг-Куо Ву Халықаралық әуесқой бокс қауымдастығын 2006 жылдан бері басқарып келеді. 2014 жылдың қазан айында Чинг-Куо Ву үшінші рет қатарынан президенттік сайлауде жеңіске жеткен.