DodaSport | Әлем және Қазақ спорты СпортЖекешелендірудің екінші толқыны аясында алматылық «Қайрат» футбол клубының 30 пайыз үлесі саудаға қойылды.
Сауда 2017 жылдың 18 тамызына белгіленген және бағаны көтеру әдісі бойынша өткізіледі. Лоттың алғашқы бағасы 2 млрд теңгеден жоғары. Ал саудаға қатысушылар үшін кепілдік жарнасы 68 млн теңгені құрайды. Электронды сауда алаңында хабарланғандай, клубтың саудаға қойылған үлесі Алматы әкімдігінің аппартатының тізімінде болған.
Invest Capital компаниясынының мәліметінше, лоттың сметалық құны 2017 жылдың 20 шілдесінде 2 млрд теңгеден жоғары болған. Клубтың қаржылық есебі бойынша, оның кірісі 2,3 млрд теңгені құраған, ал шығын — 4,4 млрд теңге. Сондай-ақ, «Қайраттың» активтері 10,7 млрд теңгеге тең болған, ал міндеттемелері 5 млрд теңгені құрады. ROA деңгейі — 21,5 пайыз.
Алматы қаласының баржы басқармасының мәліметінше, клубтың 70 пайыз үлесі Globex Energy FZE компаниясына тиесілі, ал 30 пайызы Алматы қаласының дене шынықтыру және спорт басқармасының есебінде тұр.
Айта кетейік, шілде айында алматылық клубтың футболшылары Еуропа лигасының екінші раундында албаниялық «Скендербеу» клубынан жеңілді.