Каратэ-додан ҚР еңбек сіңірген жаттықтырушысы Рүстем Әбжәмиевтің оқушысы 3 дүркін Әлем, 3 дүркін Азия чемпионы, халықаралық дәрежедегі спорт шебері Мөлдір Жаңбырбай №2 облыстық олимпиадалық резерв мектебінде жас жеткіншектерге шеберлік сабағын өткізді.
30 тамыз – ҚР Конституция күні қарсаңында облыстық дене шынықтыру және спорт басқармасының ұйымдастыруымен өткізілген шеберлік сабағына 100-ден аса жас каратэшілер қатысты. Спортшы жас жеткіншектерге каратэ-доның түрлі әдіс-тәсілдерін көрсетіп, олармен сұхбаттасып, сұрақтарына жауап берді.
Айта кетейік, Мөлдір Жаңбырбай жас спортшыларға спорттағы тәжірибесімен бөлісіп, бірінші мәрте шеберлік сабағын өткізді.
Оның алдағы жоспары 4-ші қыркүйекте Германияның Хале қаласында өтетін халықаралық турнирге және 14-24 қыркүйек аралығында Алматы қаласында Әлем чемпионатының алдында болатын оқу-жаттығу жиынына қатысады. Қазан айының соңында Испанияның Тенерифе қаласында өтетін Әлем чемпионатында облыс намысын қорғайды
