Элизабет Тұрсынбаева Монреальда өткен Autumn Classik International Skate Canada -2017 халықаралық турнирде қола жүлдеге ие болды.
Еркін бағдарлама бойынша сынға түскен Элизабет 3-орынды иеленсе, қысқа бағдарламада бесінші орында болды.
Халықаралық турнирге 12 мемлекеттен 16 мәнерлеп сырғанаушы қатысты. Сарапшылардың пікірінше алты спортшы қыз алдыңғы орындарға үмітті болған. Оның ішінде Э.Тұрсынбаевада бар.
Айта кетейік, мәнерлеп сырғанаушы жаңа спорт маусымын сәтті бастады. Енді ол 20-22 қазанда Мәскеуде өтетін «Rostelekom Cup» Гран-при және 26-29 қазанда Минскіде болатын халықаралық турнирге қатысады.