DodaSport | Әлем және Қазақ спорты Спорт
Жапонияның Саппоро қаласында Қысқы Азиада ойындары өтуде. Сайыстар барысында қызықты оқиғалар орын алуда. Бұл жолы мұсылман қыздың бейнесі мұз айдынында.
Азия ойындарына Біріккен Араб Әмірліктерінен келген мәнерлеп сырғанаушы 20 жастағы Захра Лари мұз айдынына орамал киіп шықты.
Захра Араб елдерінен әлемдік жарыстарға қатысып жүрген жалғыз мәнерлеп сырғанаушы және стереотиптерді жоюшы. Өз елінің чемпионы. Азиада — оның карьерасындағы ең ірі жарыс. Қысқа бағдарламадағы ұпайы — 23,31.
Спортшы жоғары орындарға таласа алмайды. Дегенмен оның осы бір спорт түріне деген құштарлығын ешқандай кедергі жеңе алған жоқ. Ол өз елінің дәстүр-салты бойынша айдынға шықты.
