DodaSport | Әлем және Қазақ спорты Спорт2018-шы жылғы әлем чемпионатының финалдық кезеңіне тікелей жолдама ала алмай қалған еуропалық құрамалар үшін, електік ойындардың жеребесі тартылды.
Жеребе нәтижесі бойынша 8 құрама төрт жұпқа бөлінді. Екі ойыннан тұратын теке-тірестің жеңімпаздары әлем чемпионатының финалдық кезеңіне жолдама алады. Електік ойындардың жеребесі және өтетітін күндері мен уақыттары:
Солтүстік Ирландия – Швейцария — бірінші ойын 10-шы қараша күні, сағат 01:45-те (Астана уақыты); Ал, қарымта кездесу ойыны 12-ші қараша күні, сағат 23:00-де басталады.
Хорватия – Грекия — 10-шы қараша күні, сағат 01:45-те; 13-ші қараша күні, сағат 01:45-те.
Дания – Ирландия — 13-ші қараша күні, сағат 01:45-те; 15-ші қараша күні, сағат 01:45-те.
Швеция – Италия — 11-ші қараша күні, сағат 01:45-те; 14-ші қараша күні, сағат 01:45-те.
Алғашқы тұрған құрамалар екі ойыннан тұратын кездесуді өздерінің алаңдарынан бастайтын болады.
Төрт жұптың жеңімпаздары финалдық кезеңге өткен 10 құрамамен және ӘЧ-ның қожайынымен, еуропалық аймақтың өкілдері ретінде әлем чемпионаты 2018-ге қатысады.