Грузия елінің Батуми қаласында шахмат спортынан жасөспірімдер арасындағы әлем чемпионаты мәресіне жетті.
8 жасар бүлдіршіндер арасында Айша Закирова чемпион атанды. Шахматшымыз жеті кезеңнен кейін жеті ұпай жинап еш кедергісіз алғашқы орындардың бірінде келе жатқанын айтқан болатынбыз. Кішкентай Айша жарыстың соңына дейін барлық қарсыластарын жеңіп, әлемдегі бірінші спортшы атанды.
Балалар арасындағы Әлем чемпионаты 18-31 қазан аралығында өтті. Чемпионатқа 66 елден 728 бала қатысты.