ДАНИЯР ЕЛЕУСІНОВ ҮШІНШІ ЖЕҢІСІНЕН КЕЙІН ӘЛЕМДІК РЕЙТИНГТЕ ЖОҒАРЫ ӨРЛЕДІ

Данияр Елеусінов (3-0, 1 КО), Кардифф қаласындағы «Ice Arena Wales» аренасында өткізген кәсіпқой бокстағы үшінші жекпе-жегінде, қарсыласы венгриялық Габор Горбичті (24-12, 14 КО) төрешілердің бірауыздан шешімімен 60-54 есебімен жеңгеннен кейін, BoxRec.com сайтындағы рейтингте өз жағдайын жақсартты.

Данияр, жартылай орта салмақтың рейтингінде 75 сатыға жоғары көтеріліп, 256-ші орынға жайғасты. BoxRec.com сайтының рейтингіндегі көш басында жартылай орта салмақтың WBO нұсқасы бойынша әлем чемпионы Теренс Кроуфорд (33-0, 24 КО) тұр.