Жартылай ауыр салмақта қолғап түйістіретін Әли Ахмедов (11-0, 8КО), кәсіпқой бокстағы он екінші жекпе-жегі үшін салмақ өлшеу рәсімінен өтті.
Астана уақыты бойынша 9-шы тамыз күні өтетін «Hollywood Fight Nights» бокс кешінің басты жекпе-жегінде, Әли Ахмедов жергілікті боксшы Хорхе Эскалантеге (9-1-1, 6 КО) қарсы алты раундқа жоспарланған кездесу өткізеді.
23 жастағы Әлидің таразыдағы салмағы 176,6 фунтты (79,83 келіні) көрсетті. Ал 33 жастағы Хорхе Эскалантенің салмағы 190,6 фунт (86,45 келі) болды.
Әли, соңғы жекпе-жегін 30-шы желтоқсан Алматыда өткізіп, қарсыласы азербайжандық Исмат Эйнуллаевты техникалық нокаутпен жеңген болатын.