DodaSport | Әлем және Қазақ спорты СпортЖартылай ауыр салмақта өнер көрсететін Әли Ахмедов (11-0, 8КО), 8-ші тамыз күні өтетін «Hollywood Fight Nights» бокс кешінде шаршы алаңға көтерілмек.
Бокс кеші, Геннадий Головкиннің (38-0-1, 34КО) промоутері Том Леффлер басқаратын «360 Promotions» промоутерлік компаниясының ұйымдастырылуымен Голливудта (Калифорния штаты) орналасқан «Авалон» аренасында өтеді.
Кештің басты жекпе-жегінде 23 жастағы Әли жергілікті боксшы 33 жастағы Хорхе Эскалантемен (9-1-1, 6КО) қолғап түйістіреді. Кездесу алты раундқа жоспарланған.
Әли, соңғы жекпе-жегін 30-шы желтоқсан Алматыда өткізіп, қарсыласы азербайжандық Исмат Эйнуллаевты техникалық нокаутпен тізе бүктірген болатын. Қазіргі уақытта Әли «Big Bear Summit»-те Абель Санчестің қол астында Геннадий Головкинмен бірге жаттығуда.