DodaSport | Әлем және Қазақ спорты Спорт«ПСЖ» командасының шабуылдаушы жартылай қорғаушысы Гонсалу Гедеш «Валенсияның» толыққанды ойыншы атанатын болады.
«Валенсияның» ресми сайтының хабарлауынша, валенсиялықтар «Пари Сен-Жермен» клубымен Гонсалу Гедешдің ауысымы жайлы бір келісімге келді.
БАҚ өкілдерінің ақпаратына сенсек, ауысым құны 40 миллион еуро және 10 миллион еуро бонус ретінде болады. 21 жастағы португалдық ойыншы бір-екі күнде Испанияға келіп, келісімшартқа қол қояды.
Гедеш, «Бенфикадан» 2017-ші жылы 30 миллион еуроға «ПСЖ» командасына ауысқан еді.
Гонсалу өткен маусымды «Валенсияда» жалға өткізіп, Испания чемпионатының 33 ойынында 5 гол соқты және 11 нәтижелі пас берді.
Сурет: Getty Images сайтынан