«ЧЕЛСИ» КЛУБЫ ӘЛЕМДЕГІ ЕҢ ҚЫМБАТ ҚАҚПАШЫНЫҢ АУЫСЫМЫН ЖҮЗЕГЕ АСЫРДЫ

«Атлетик» клубының қақпашысы Кепа Аррисабалага «Челси» ойыншысы атанды.

Лондондық клуб 23 жастағы испандық ойыншымен 7 жылдық келісімшартқа мерзіміне отырды.

«Челси» Кепа Аррисабалага үшін «Атлетик» клубына 80 миллион еуро төледі. Кепа футбол тарихындағы ең қымбат қақпашы және ең қымбат испандық ойыншы атанды.

Бұл көрсеткіш бразилиялық қақпашы Алиссонға тиесілі болатын. Ол осы жазда «Ромадан» «Ливерпульге» 62,5 миллион еуроға ауысқан болатын.

Фото: «Челси» клубының твиттер парақшасынан