DodaSport | Әлем және Қазақ спорты Спорт«Top Rank Promotions» промоутерлік компаниясымен келісімшартқа отырған қазақстандық кәсіпқой боксшы Сағадат Рахманқұлов (2-0, 1 КО) кәсіпқой бокстағы үшінші жекпе-жегін өткізді.
Глендейл (Аризона штаты, АҚШ) қаласында орналасқан «Gila River Arena» аренасында «Top Rank» промоутерлік компаниясы өткізген бокс кешінде, Сағадат 22 жастағы америкалық боксшы Кристиан Агирреге (7-2, 3 КО) қарсы жекпе-жекке шықты. Кездесу төрешілердің бірауыздан шешімімен Сағадат Рахманқұловтың жеңісімен аяқталды.
Бұл Сағадат Рахманқұловтың кәсіпқой бокстағы үшінші жекпе-жегіндегі үшінші жеңісі, оның екеуі уақытынан бұрын аяқталған.
Бір апта бұрын, атақты Боб Арумның «Top Rank Promotions» промоутерлік компаниясымен 5 жылға келісімшартқа отырған болатын.
Сағадат Рахманқұлов кәсіпқой бокстағы алғашқы жекпе-жегінде америкалық Ноэль Эскуэдоны (8-6-2, 6 КО) техникалық нокаутпен жеңді. Екінші жекпе-жегінде, қарсыласы колумбиялық боксшы Джон Санчес Леонды (3-1-1, 2 КО) төрешілердің бірауыздан шешімімен жеңген еді.
Сурет: «rakhmankulsagadat» Instagram парақшасынан