DodaSport | Әлем және Қазақ спорты СпортҚазақстандық жекпе-жек майталманы Санжар Әділов Бішкекте ережесіз жекпе-жектен өткен халықаралық FFC «Falco Fighting Championship» турнирінде жеңіске жетті, – деп хабарлайды Qsport.kz порталы.
Ережесіз жекпе-жектен Қырғызстанның астанасы Бішкекте өткен FFC турнирінде сынға түскен Санжар Әділов қырғызстандық спортшыға қарсы жекпе-жек өткізді. Отандасымыз қарсыласын қылқындыру әдісімен тізе бүктіріп, сегізбұрыштағы екінші жеңісін тойлады.
Айта кетейік, Санжар Әділов UFC жұлдызы Хабиб Нурмагомедовтің әкесі Абдулманап Нурмагомедовтің қол астында жаттығады. Сондай-ақ бұл додада сынға түскен Мирас Мұхамеджанов пен Алтынбек Думанұлы да қарсыластарын қапы қалдырды.
