DodaSport | Әлем және Қазақ спорты СпортУЕФА Еуропа Лигасының топтық кезеңінің 2-ші кезеңі аясында «Милан» өз алаңында «Олимпиакосқа» қарсы ойында жеңіліп жатып, он минуттың ішінде жеңісті жұлып алды.
Милан қаласындағы «Сан Сиро» стадионында өткен ойынның 70-ші минутына дейін 0:1 есебімен жеңіліп жатқан «Милан», өзінің қосалқы құрамнан алаңға шыққан екі ойыншысы Кутроне мен Чалханоглуның және бірінші минуттан алаңда жүрген шабуылшы Игуаинның арқасында 3:1 есебімен жеңіске жетті.
Айта кетсек, F тобындағы «Бетис» пен «Дюделанж» кездесу өткізіп, «Бетис» 3:0 есебімен жеңіске жетті.
2-ші кезеңнің нәтижесі бойынша F тобында «Милан» алты ұпаймен бірінші, «Бетис» төрт ұпаймен екінші, «Олимпиакос» бір ұпаймен үшінші, «Дюделанж» ұпайсыз соңғы орында тұр.
«Милан» 3:1 «Олимпиакос»
Голдар: Кутроне, 70, 79, Игуаин, 76 — Герреро, 16.
«Милан»: Рейна — Калабрия, Сапата, Романьоли, Родригес — Билья, Бакайоко, Бонавентура (Чалханоглу, 55) — Сусо (Борини, 81), Игуаин, Кастильехо (Кутроне, 54).
«Олимпиакос»: Са — Торосидис (Мерия, 77), Миранда, Сиссе, Кутрис — Натхо, Гильерме — Фетфатцидис, Туре (Фортунис, 83), Лейва (Поденсе, 71) — Герреро.