DodaSport | Әлем және Қазақ спорты СпортОсы сенбі, тамыздың 11-і күні «Спорттық Алматы» бағдарламасы аясында кезекті Almaty Street Fitness тегін жаттығулары өтеді, деп ақпараттық және спорттық ХАБ хабарлайды.
Кәсіпқой «Fitness blitz» нұсқаушылары өздерінің шеберліктерімен Тұңғыш Президенті саябағында таңертен сағат 08:00-де бөлісетін болады.
Сонымен қатар, дәл осы уақытта 11-ші тамыз, М. Горький атындағы орталық демалыс және мәдени саябағында Fitness Empire Gym бапкерлері жаттығу өткізеді.
Бұл шараға кез келген жастағы қатысушылар қатыса алады.
Almaty Street Fitness таңғы жаттығулары «Спорттық Алматы» бағдарламасы аясында әр демалыс сайын өткізіліп тұрады. Оның басты мақсаты қала тұрғындарын салауатты өмір салтына бейімдеу болып табылады.