Қазақстандық жас биатлоншы қыз Галина Вишневская әлем кубогы рейтингісінде бірнеше саты көтерілді.
Жақында ғана Германияның Оберхоф қаласында әлем кубогының төртінші кезеңі өткен болатын. Масс-старт сынында төртінші орын алған Галина жалпы есепте 218 ұпаймен 18-ші орынға көтерілді.
Әлем кубогы кезеңіндегі төртінші орын Қазақстан құрамасы үшін өте керемет, рекордтық нәтиже болып табылады.
Жалпы есепте Чех қызы Габриэла Коукалова 479 ұпаймен көш бастап келеді.
Галина масс-старт бәсекесі бойынша 61 ұпаймен 11-ші орында келеді. Жекелей сында 2 ұпаймен 39-шы, спринтте 51 ұпаймен 26-шы орында келеді. Ал із кесу сайысы бойынша 104 ұпаймен сегізінші орында тұр.