DodaSport | Әлем және Қазақ спорты СпортУЕФА Чемпиондар Лигасы 2-ші кезеңінде G тобында өнер көрсететін «ЦСКА» өз алаңында «Реал Мадридті» қабылдайды.
Ойын Мәскеу қаласындағы «Лужники» стадионында өтеді. Кездесу 2-ші қазаннан 3-ші қазанға қараған түні, Астана уақыты бойынша сағат 00:50-де басталады. Отандық «QazSport» телеарнасы ойынды тікелей эфирде көрсетеді.
Ойынға румыниялық маман Овидиу Хацеган өз тобымен төрелік ететін болады.
Ал G тобындағы «Рома» өз алаңында «Викторияға» қарсы ойын өткізеді. Кездесу Рим қаласындағы «Олимпико» стадионында өтеді.
Айта кетсек, 1-ші кезеңде «Реал Мадрид» өз алаңында римдік «Романы» 3:0 есебімен тізе бүктірсе, ал «ЦСКА» сырт алаңда «Викториямен» 2:2 есебімен тең ойнады.
Осылайша, G тобында «Реал Мадрид» үш ұпаймен бірінші, «Виктория» мен «ЦСКА» бір-бір ұпаймен екінші және үшінші, ал «Рома» ұпайсыз соңғы орында тұр.
Сурет: «Qazsporttv» Instagram парақшасынан