БАҚ: Жақиянов бүкіл әлемде жұдырықтасып шықты, бірақ АҚШ-та оны ешкім білмейді
Asianboxing.info сайты қазақстандық Жанат Жақиянов пен америкалық Роши Уоррен жекпе-жегі жайлы пікірін жазды.
«Азиялық боксшының жекпе-жегіне Огайо штаты қызық орын. Соққысы ауыр Жақиянов үшін бұл кездесу – жоғары деңгейге көтерілу. Сондай-ақ, бұл ол үшін америкалық дебют. Қазақстандық боксшы бүкіл әлемде жұдырықтасып шықты, бірақ АҚШ-та атағы шыққан жоқ – ол жақта оның бір-екі кездесуі ғана теледидардан көрсетілді. Уоррен – талантты боксшы, қағаз жүзінде бұл панчер мен скиллстердің жекпе-жегі секілді көрінеді», — деп жазды басылым.
Айта кетейік, Жақиянов кәсіпқой бокста Қазақстан, Ресей, Өзбекстан, Беларусь, Польша, Болгария, Ұлыбритания, Швейцария, Таиланд, Гонконг және Аустралияда жұдырықтасып үлгерді.
Ал Жақиянов – Уоррен жекпе-жегі 10 ақпанда америкалық Огайо штатының Толедо қаласында өтеді.