Басты бет / Бокс / ҚАНАТ ИСЛАМ «КОНФЕДЕРАЦИЯ КУБОГЫ – 2018» ЖАРЫСЫНЫҢ ЖЕРЕБЕ ТАРТУ РӘСІМІНЕ ҚАТЫСТЫ

ҚАНАТ ИСЛАМ «КОНФЕДЕРАЦИЯ КУБОГЫ – 2018» ЖАРЫСЫНЫҢ ЖЕРЕБЕ ТАРТУ РӘСІМІНЕ ҚАТЫСТЫ

Бүгін Астанада «Конфедерация кубогы-2018» жарысының жеребе тарту рәсімі өтті. Жеребе тарту рәсіміне кәсіпқой бокс жұлдыздары Қанат Ислам мен Мадияр Әшкеевтер қатысты.

ҚР Ұлттық Олимпиада комитетінің президенті Тимур Құлыбаевтың бастамасымен қолға алынған бірегей жоба биыл үшінші рет ұйымдастырылып отыр. Жарыстың басты ерекшелігі бір мезетте көрермендер сайысты бокс, грек-рим күресі, еркін күрес, дзюдо, қазақ күресі және таеквондо спорт түрлері бойынша тамашалай алады.

17 команда 4 топқа бөлініп қазан айында Семей, Талдықорған, Атырау және Петропавл қалаларында іріктеу кезеңдерін өткізеді. Іріктеу кезеңінен іркілмей өткен үздік командалар желтоқсан айының 8-9 аралығында Алматы қаласында өтетін ақтық кезеңде бақтарын сынайтын болады.

Жеребе нәтижесі мынадай:

А тобы: Семей (ШҚО), Қостанай облысы, Батыс Қазақстан облысы, Павлодар облысы

B тобы: Талдықорған (Алматы облысы), Ақтөбе облысы, Қарағанды облысы, Астана, Шымкент

С тобы: Атырау облысы, Алматы қаласы, Жамбыл облысы, Маңғыстау облысы

D тобы: Петропавл (СҚО), Ақмола облысы, Қызылорда облысы, Түркістан облысы

Айта кетсек, Конфедерация Кубогы – ҚР Ұлттық Олимпиадалық комитетінің президенті Тимур Құлыбаевтың бастамасымен қолға алынған бірегей тың жоба. Жарыстың жалпы жүлде қоры 145 миллион теңгені құрайды.

Дереккөз: Olympic.kz

Сондай-ақ

АЗИАДА-2018: ӘДІЛБЕК МУСИН СУДА ЖҮЗУДЕН ҚОЛА ЖҮЛДЕГЕР АТАНДЫ

Бүгін Қазақстан құрамасының қоржыны тағы бір қола жүлдемен толықты. 50 метрге баттерфляй әдісімен жүзуде Әділбек …