ОЛИМПИАДА АЛДЫНДАҒЫ КЕЛЕҢСІЗ ЖАҒДАЙЛАР

Рио Олимпиадасы жақындаған сайын қиындықтар да пайда болуда.

Бразилия еліндегі саяси шиеліністер, халықтың тұрмыс-тіршілігі төрт жылдықтың басты бәсекелеріне тікелей байланысты екені анық. «Оңтүстік Америка құрлығындағы Олимпиада ойындары қалай өтеді?» деген сұрақ бүгінгі күні көп талқыға түсуде.

1. Ойындарға санаулы күн қалғанда желкенді қайықшылар сайысатын орталықтың ғимараты жел әсерінен қирап қалды. Зардап шеккендер жоқ.
2. Халықаралық Олимпиада Комитетінің президенті Томас Бах Олимпиада ауылындағы өз бөлмесінің есігін аша алмай қалды.
3. Олимпиада ауылына спортшылар келіп жатқынымен құрылыс жұмыстары қатар жүруде.
4. Австралия құрамасы жатқан бөлмелердің бірінен өрт шыққан. Тілсіз жау дер кезінде ауыздықталғанымен, Австриялықтардың номердегі көптеген заттары ұрланып кеткен.
5. Копакабана жағажайындағы телестудия суға кеткен.
6. Бірлескен террорлық топ ойындар кезінде бүлік шығаруды көздеген.
7. «Зика» атты вирустың пайда болуына байланысты біраз спортшылар Олимпиадаға келмей қойған.
8. Атлеттердің допинг дауы әлі күнге дейін шешілмей отыр.

Естеріңізге сала кетейік, 2016 жылғы Олимпиада ойындарының ресми ашылу салтанаты 5 тамыз күні әйгілі Маракана стадионында өтеді, ал ойындар 21 тамызда аяқталады