«АСТАНАНЫҢ» ЧЛ-ДАҒЫ ҚАРЫМТА ОЙЫНЫ ТІКЕЛЕЙ КӨРСЕТІЛІМДЕ

Бүгін, 1-тамыз, Чемпиондар Лигасы екінші іріктеу кезеңі аясында, елордалық «Астана» даниялық «Мидтьюлландқа» қарсы қарымта ойын өткізеді.

Ойын Хернинг қаласында орналасқан «Хернинг Арена» стадионында, Астана уақыты бойынша 23:00-де басталады. «QazSport» телеарнасы ойынды тікелей эфирде көрсетеді.

Бір апта бұрын Астана қаласында өткен клубтар арасындағы бірінші ойында, «Астана» клубы Ласло Кляйнхайслердің қос голының арқасында «Мидтьюлланд» клубын 2:1 есебімен тізе бүктірген болатын.

Фото: «Астана» клубының ресми сайтынан